هل نعلم أطفالنا القيم… ولا بس نطلب منهم يتصرفوا صح؟

تعرفين أوقات نلاحظ أولادنا يسمعون الكلام، يقولون "شكرًا"، يعتذرون إذا غلطوا، ونرتاح إنهم مؤدبين…

بس يجي في بالك سؤال:

هل تصرّفهم جاي من داخلهم؟

ولا بس لأنهم متعودين؟ أو خايفين نزعّل عليهم؟

في فرق كبير بين

طفل مؤدب :يسوي الصح قدامك، بس لما ما يكون أحد، ممكن يتصرّف بطريقة ثانية

طفل واعي: حتى لو لحاله، يختار الصح لأنه مقتنع فيه، وحاسس من جوّاه إنه "الصح اللي يرضي ربه ويرضي ضميره".

وهذا هو الفرق اللي يسمّيه علم النفس التربوي:

الضبط الذاتي (Self-regulation)

يعني إن الطفل يراقب نفسه من الداخل، مو بالخوف، لكن بالشعور بالمسؤولية.

البحاثة نانسي آيزنبرغ (Nancy Eisenberg) قالت إن الطفل اللي تنمّي عنده مهارة الضبط الذاتي، يكون مستعد يتبنّى القيم عن قناعة… مو بس تقليد مؤقت لسلوك "مقبول".

وبرضه، ألبرت باندورا (Albert Bandura) اللي قال إن الطفل يتعلم من خلال التقليد والملاحظة، وضّح إن السلوك ما يتحول لقيمة داخلية إلا لما الطفل يربطه بشعوره وفهمه للموقف.

🌟 القيم ما تُلقن… القيم تُزرع

إحنا ما نبغى بس نقول للطفل: "لا تكذب" أو "كن محترم".

نبغى نوصل لمرحلة يسأل نفسه بنفسه:

هل اللي سويته صح؟

وش أحس لما أحد كذب عليّ؟

ليش لازم أكون صادق؟

القيمة تنغرس لما الطفل:

• يحس فيها

• يفكر فيها

• ويعيش مواقف حقيقية تساعده يفهمها بنفسه

• 
  

زي ما نقول له: إيش حاسس لما أحد كذب عليك؟

تحب الناس يصدقوك؟ طيب وش تتوقع يصير لو كذبت عليهم؟

✨ وهذا الشي يوصلنا لبعد أعمق:

في ديننا، فيه مفهوم عميق اسمه الإحسان

يعني تسوي الشيء صح حتى لو ما في أحد يشوفك، لأنك تعرف إن ربك شايفك.

وهذا أعلى درجات الوعي: إن الطفل يربط سلوكه برضا الله، مو بس رضا الناس أو رضاكِ أنتِ.

نبغى الطفل يتصرّف صح، مو بس عشانكِ، ولا عشان الناس…

لكن لأنه "يعرف" إن هذا الصح، ويرضي ربه، ويشعر بالراحة جوّاه.

⏳ هل هذا سهل؟ لا

الوصول لها لمرحلة ما يصير بيوم ولا بأمر واحد.

يبغى:

• صبر

• تكرار يومي

• مواقف حقيقية يعيشها الطفل ويتعلّم منها

• حوار مفتوح، مو أوامر

• قدوة حقيقية يشوفك إنتِ تعيشين القيم، مو بس تتكلمين عنها

🧾خلاصة الكلام

• القواعد مهمة، بس فهم القيم أعمق وأبقى

• الطفل اللي يعرف "ليش" يتصرّف كذا، غير عن اللي بس "يسمع الكلام"

• نزرع القيم بالتجربة، بالقدوة، بالحوار، بالصبر

• القيم زي الشجرة… ما تطلع بسرعة، لكنها لما تكبر، تظل راسخة

  
  

نبغى طفل ما يتصرف صح عشان "ما يزعّل أمه"..نبغاه يتصرف صح لأنه مقتنع، ومرتاح، ويحب الخير.

المراجع

1. Eisenberg, N., Spinrad, T. L., & Eggum, N. D. (2010)Emotion-related self-regulation and its relation to children's maladjustment.

2. Bandura, A. (1977).Social Learning Theory.